التخطي إلى المحتوى


02:39 م


الخميس 13 يناير 2022

كتب-مصطفى حمزة:

جددت المطربة ساندي، الصراع بشأن أغنية “في الـ لا لا”، التي طرحتها الفنانة روبي أيضا بعنوان “الهشك بشك”، مضمونة أن الأخيرة طرحتها بلا حقوق، وحققت أرقام مشاهدة عالية على حساب أغنيتها.

المطربة ساندي، خلال ظهورها في برنامج “et بالعربي”، قالت: الأغنية تسربت عن قصد، وليس سوء تفاهم، والمنتج وليد منصور وقفها، لأن هو اللي معه حقوق الملكية، لأن الأغنية نزلت عند روبي بلا أي حقوق ملكية”.

مؤلف الأغنية الشاعر شادي نور، من جهته أعلن عبر صفحته في موقع فيسبوك، ما حدث وكتب: ده توضيح مني بخصوص أغنية (الهشك بشك أو ف ال لا_لالا )، علشان كل اللي بيسأل ومهتم وماحدش يفتي أو يفترض أي خبث نية من حد.”.

وتابع: “بس من غير ما هشرح تفاصيل قوي لأن التفاصيل مش مهمة غير لو كان فيه خلاف أو زعل بين أي طرف، والحمد لله كلنا حبايب”.

وأضاف شادي نور: “الموضوع ببساطة إن الأغنية فعلاً كانت أغنية روبي، ولما اترفضت من المصنفات اتعطل نزولها ، وألبوم روبي نزل فالأغنية أخدت كذا مسار تاني، (وده بيحصل كتير طبيعي في الأغاني حتى لو مافيش إشكالية)”.

وأوضح: “المهم وبدأنا نشوف الأنسب للأغنية وبالنسبة لي, كنت بعمل كل المحاولات مع المصنفات اللي كان ملخصها (الأغنية دي حلها الوحيد تنزل في فيلم علشان يتوافق عليها)، وفضل الموضوع معلق، وزي ما قلت بناخد مسارات كتير، بالأغنية وفي الاخر سبحان الله حصل والأسباب اتسببت إن الاغنية هتبقى أغنية فيلم ، وترجع لروبي برضه قلت سبحان الله والحمدلله، (رفضوها برضه)، فرجعنا لنقطة الصفر تاني”.

شادي تابع: “وعلشان مطولش فضلت في محاولاتي مع المصنفات وزي ما وضحت في بوست قبل كدة عن مشكلتي معاهم بخصوص الأغنية دي، وهنا حصل سوء تفاهم وأنا فهمت حاجة غلط، واتصرفت على أساسها، وده اللي إدى أن الأغنية تنزل بصوت روبي وتتشال تاني”.

وأضاف: “وملخص كلامي دة، إن كلنا أصحاب وحبايب، مفيش خلاف بين روبي وساندي، مفيش أغنية اتباعت مرتين، ماحدش سرب الأغنية نكاية فحد، أنا وساندي مش محتاج أقول عن غلاوتها عندي، وبدايتي وأحلى أغاني كانوا معاها، ومبسوط إن بعد اللفة دي ساندي اللي تغني الأغنية”.

وعن الفنانة روبي، كتب الشاعر شادي نور: “روبي دي حبيبة الكل وأكتر فنانة بحبها وملهاش ذنب في حاجة وان شاء الله تتعوض ونعمل مع بعض عبوة ناسفة قريب”.

أغنية “في ال لا لا” طرحت عبر موقع يوتيوب في ديسمبر الماضي، وهي من مفردات شادي نور، وألحان محمد يحىي، وميكس ماهر صلاح، وشهدت أول تعاون بين المطربة ساندي، والمنتج وليد منصور.

0

0

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *